Syarat- syarat lamun urang rek paguneman

Paguneman atawa ngawangkong nyaeta kagiatan ngobrol antara dua urang atawa leuwih, nyarita dua arah, atawa tanya jawab nu mangrupa kalimah langsung. Syarat-syarat atawa hal-hal anu ku urang perlu diperhatikeun lamun rek maguneman nyaeta :

1. Lafal, nyaeta kudu diperhatikeun artikulasi bentesna sora waktu keur maguneman.

2. Lentong Kalimah, nyaeta kudu puguh eunteup seureuhna antara pesen anu rek dimaksud jeung struktur kalimah nu digunakeun, sarta luhur handap jeung panjang pondokna sora pikeun ngabedakeun fungsi kalimah.

3. Sora, nyaeta kudu merhatikeun luhur handapna jeung gede leutikna sora pikeun nunjukkeun atawa ngagambarkeun suasana anu sesuai dina eta paguneman.

4. Basa, nyaeta kudu jelas pilihan kecapna anu disesuaikeun jeung saha lawan nyaritana, jeung keur dina kaayaan atawa situasi kumaha, harti singaktna nyaeta kudu merhatikeun tatakrama basa Sunda.

5. Ngajiwaan, nyaeta perlu merhatikeun ekspresi, raut muka, jeung sikep awak waktu maguneman, supaya leuwih negeskeun pesen nu rek ditepikeun.