Buatlah pidato ulang tahun dalam bahasa jawa

Pidato Ulang Tahun Bahasa Jawa :

Pembukaan
Assalamu’alaikum Wr. Wb.

Nuwun panjenenganipun Bapak/Ibu.. (tiyang sepuhipun ingkang ulang taun) ingkang kinurmatan. Bapak Ibu para tamu ingkang minulya. Kadang kula …(ingkang ulang tahun) saha kanca-kanca ingkang sutresna.

Puji syukur kita aturaken wonten ngarsanipun Gusti Allah ingkang Maha Agung, ingkang sampun paring rahmat saha hidayahipun, saengga kita saged makempal wonten ing acara menika tanpa alangan satunggal menapa.

Isi Pidato
Para rawuh ingkang minulya, kula minangka wakil saking kanca kadang kula… Ingkang sepisan ngaturaken sugeng tanggap warsa ingkang kaping… (umure). Mugi-mugi Gusti Allah tansah paring kawilujengan saha kasarasan. Ingkang sregep anggenipun ngangsu kawruh, bekti dhateng tiyang sepuh, migunani tumrep bangsa, agami, lan negari.

Salajengipun kula minangka kanca naming gadhah pangajab, mugi-mugi kanthi tambahing yuswa, sedherek kula.. Tambah kasil anggenipun sinau, kaleksaan sedaya ingkang dados gegayuhanipun, sregep sinau, mangertos dhateng kuwajibanipun, tumindak ingkang sae, nyingkiri tumindak awon, tambah dewasa ing penggalihan saengga ing tembe dadosa tiyang ingkang migunani tumrep kulawarga lan masyarakat. Amin..

Pentutup
Cekap semanten ingkang dados atur kula, menawi wonten kalepataning atur lan wicara saha solah bawa ingkang mboten ndadosaken rena ing penggalih panjenengan sedaya, kula nyuwu agunging samodra pangaksami. Nuwun..

Wassalamu’alaikum Wr. Wb.