Tuliskan 5 contoh wawaran??

Contoh wawaran gotong royong :

Parawargi warga RT 03!
Sakumaha nu kauninga, dina danget ieu warga di lingkungan urang parantos aya tiluan anu katerap panyakit “demam berdarah”.

Kantenan bae urang kedah enggal-engal nyegah ieu panyakit sateuacan nyebar ka mana-mana. Upami diantep tangtos bakal beuki seueur warga anu janten korban.

Jalaran kitu, enjing dinten Minggu tabuh dalapan, sakumna warga di lingkungan RT 03 kedah ngiring kagiatan gotong royong beberesih.

Urang bade meresihan solokan sareng tempat-tempat anu biasa dipake tempat nyayang reungit. Sakantenan eta tempat-tempat reungit teh ku urang bade disemprot nganggo DDT supados reungitna musna sama sekali.

Sakumna warga mugi nyandak parabot ti bumina masing-masing, kayaning: pacul, arit, sapu, sareng nu sanesna. Sakitu wawaran ti sim kuring salaku RT 03. hatur nuhun kana perhatosan ti warga sadayana.

Contoh wawaran di sakola:

Assalamu’alaikun Wr. Wb.
Hatur uninga ka sadayana, sarengsena ulangan umum, di sakola urang rek diayakeun kagiatan Porseni. Ieu kagiatan teh bade lumangsung salami genep dinten, ti kaping 21 tepi ka 26 Nopember.

Unggal kelas kedah ngintunkeun wawakilna boh pikeun pertandingan olah raga boh pikeun pasanggiri kasenia. Cabang olah raga anu rek dilombakeun nyaeta, maen bal, voli, jeung tenis meja.

Ari kasenian anu rek dilombakeun nyaeta maca puisi, vokal grup, sareng drama. Jalaran kitu, salaku KM sim kuring meredih ka sadayana, urang kedah ngarojong ieu kagiatan sarta ti ayeuna kedah nangtoskeun saha-sahana anu bakal janten wawakil kelas.

Mugi-mugi kelas urang tiasa janten juara umum. Saurna, para pinunjul engke bakal dipaparin panghargaan ku Bapa Kapala Sakola. Sakitu wawaran ti sim kuring. Hatur nuhun kana perhatosa ti sadayana. 
Wassalamu’alaikum Wr. Wb.