Lemesken kalimah ieu 1.mang saron keur ngangon domba di tegalan .2.amin keur meuli huut ka heleran

Kategori Soal : Bahasa Sunda – Hormat Ka Kolot Jeung Ngajen Sasama

Kelas : III (3 SD)

Pembahasan :

Dina basa Sunda aya dua ragam basa nyaeta ragam basa hormat atawa lemes jeung ragam basa loma. Dina ragam basa hormat atawa lemes aya dua basa lemes nyaeta basa lemes keur ka sorangan jeung basa lemes keur ka batur.

Basa lemes keur ka sorangan nyaeta basa lemes keur ka sorangan, keur ka sahandapeun jeung keur ka sasama. Sedengkeun basa lemes keur ka batur nyaeta basa lemes keur ka batur anu saluhureun atawa anu dipikahormat.

Kecap ngangon bisa dilarapkeun boh dina raga basa hormat boh dinan ragam basa loma. Sedengkeun kecap meuli nyaeta kecap loma. Kecap lemesna tina kecap meuli aya dua nyaeta meser jeung ngagaleuh.

Kecap meser nyaeta kecap lemes keur ka sorangan, keur ka sahandapeun atawa keur ka sasama. Sedengkeun kecap ngagaleuh nyaeta kecap lemes keur ka batur anu saluhureun atawa anu dipikahormat.

Di handap ieu nyaeta lemesna tina kalimah anu ditanyakeun :

1. Mang Saron keur ngangon domba di tegalan, Mang Saron nuju ngangon domba di tegalan

2. Amin keur meuli huut ka heleran, Amin nuju meser huut ka heleran

Aturan atawa katangtuan anu ngatur ragam basa dina basa Sunda sok disebut Tatakrama Basa Sunda. Baheula mah aturan ngeunaan ragam basa Sunda sok disebut Undak-usuk Basa Sunda.

Dina Undak-usuk Basa Sunda kungsi aya nepi ka dalapan ragam basa nyaeta genep ragam basa lemes jeung dua ragam basa loma. Tapi kiwari dina Tatakrama Basa Sunda ngan saukur aya dua ragam basa saperti dijelaskeun di luhur.

Kata Kunci : Ragam Basa Hormat, Ragam Basa Loma