Ringkesen crita ing ngisor iki !

Sawise winisudha dadi senopati ing Pandhawa, Raden Gathutkaca kanthi
kaderekaken para prajurit tumuli budhal menyang Tegal Kurusetra. Papan iku kang
digunakake kanggo lumakune gagahe sawise nganggo busana senopati.
Tekan Tegal Kurusetra wis tinunggu dening barisaning mungsuh yaiku barisaning
prajurit Kurawa kang dipandegani Senopati Agung Narpati Basu Karna, Nata ing
Awangga
Perang enggal diwiwiti adu atosing balung wuleting kulit genti genten. Ora antara
suwe Gathutkaca sigra mumbul ing angkasa nglewati mega. Tanggap ing sasmita
Prabu Karna Ngasta senjata Kunta Wijaya. Gathutkaca kang mabur ing angkasa
ingalingan mega jinemparing
Sejatine lepasing panah ora tekan papane Gathutkaca, nanging amarga dening
sukmane Kalabendana lan Kuntawijaya diuncalake banjur ngenani Gathutkaca.
"Ngger wis tekan titi wancine sira bareng paman munggah swarga". Gathutkaca
cumlorot saka angkasa tiba ing lemah gugur. Sorak ambata rubuh para Kurawa weruh
Gathutkaca.​

Ringkesen crita ing ngisor iki !