Naon bedana istilah puisi jeung sajak?

Karya sastra dina basa Sunda anu sarua jeung puisi nyaeta pupuh. Pupuh dina wangunna kaiket ku aturan. Aturan nu aya dina pupuh nyaeta guru lagu jeung guru wilangan. Guru lagu nyaeta anu aya hubunganana jeung sora engang atawa dina basa Indonesia disebut "suku kata". Sedengkeun guru wilangan nyaeta anu aya hubunganana jeung jumlah engang dina hiji padalisan jeung jumlah padalisan dina sagunduk atawa sapada hiji pupuh.

Sedengkeun sajak nyaeta karya sastra saperti puisi atawa pupuh, tapi sajak teu kaiket ku guru lagu jeung guru wilangan saperti puisi atawa pupuh. Sajak oge sok disebut puisi bebas, sabab teu kaiket ku guru lagu jeung wilangan tea saperti puisi atawa pupuh. Sanajan dina sastra Sunda oge geus aya karya sastra anu siga sajak, saperti kawih jeung kakawihan anu teu kaiket ku aturan, sajak asalna na mah teu pati ditarima dina karya sastra Sunda.