Apa itu MC dalam bahasa sunda beserta tugasnya

Dina basa Sunda, MC atawa Master of Ceremony disebut Panata Acara. Panata Acara nyaeta jalma anu ngatur susunan hiji acara sarta mingpin atawa ngarahkeun jalanna hiji acara. Panata Acara ngabogaan tugas mingpin acara ti mimiti bubuka acara nepi ka panutup acara. Eta acara bisa mangrupa acara saperti acara resepsi kawinan, acara perayaan hari kamerdekaan atawa acara anu lianna.

Supaya saurang Panata Acara bisa sukses dina mingpin jeung ngarahkeun hiji acara, aya sababaraha hal anu perlu pikeun  diperhatikeun dina ngalakukeun pagawean jadi Panata Acara. Hal-hal anu perlu diperhatikeun dina ngalaksanakeun tugasna, saurang Panata Acara kudu nunjukkeun pasemon anu gumbira jeung someah, ngagunakeun pilihan kekecapan anu merenah, lentong atawa intonasi anu merenah, sarta lafal atawa tarik launna sora oge kudu pas.