Ciri-ciri warta sunda

Warta hartina sarua jeung beja. Henteu jadi masalah basa anu digunakeun, boh basa Sunda boh basa Indonesia, hiji warta bisa dsebut eusina lengkep umpama miboga sababaraha unsur anu disebut unsur atawa rumusan 5W+1H, nyaeta unsur unsur what, who, when, where, why jeung how.

Sanggeus hiji warta eusina bisa nyumponan unsur unsur 5W+1H, hiji warta oge miboga ciri-ciri anu umum, nyaeta yen hiji warta teh kudu ngawartakeun kajadian anu bener atawa aktual. Hiji warta ditulis dumasar kana data anu akurat, asli jeung bener. Waktu jeung tempat anu dicaritakeun dina hiji warta kudu jelas. Basa anu digunakeun dina hiji warta bisa kaharti, jeung warta eusina kudu obyektif.

Dina basa Sunda kungsi dipikawanoh nepi ka aya dalapan ragam atawa tingkatan basa. Ka dalapan ragam basa eta disebutna undak-usuk basa Sunda. Tapi kiwari geus sacara resmi ditangtukeun yen ragam basa nu aya dina basa Sunda teh ngan jadi aya dua ragam basa. Ragam basa nu aya dina basa Sunda kiwari nyaeta anu disebut Ragam Basa Hormat jeung Ragam Basa Loma.

Ragam Basa Hormat jeung Ragam Basa Loma dina basa Sunda eta, ayeuna henteu disebut undak-usuk basa Sunda, tapi kiwari mah disebutna Tatakrama Basa Sunda. Kusabab kitu, dina nulis warta oge kudu ditangtukeun ragam basa anu rek digunakeun, naha Ragam Basa Hormat atawa Ragam Basa Loma.