Contoh geguritan tema kenakalan remaja​

Narkoba

Jelas iki ngrusak generasi mudha

wong tuwa dalah para sing wis diwasa

Becik sing padha prayitna lan waspada

Awit iki kejaba nerak paugerane agama

Uga dadi laranganing negara

Kejaba kuwi ngemana angga priyangga

Elingo yen kuwi tumindak maksiyat

Bathine mung akhlak bejat

Yen kekerepen teler bisa sekarat

Sidane yen wis nggathok nyawane gampang oncat

Oh Narkoba….sing wis nyecep jare kaya dibandul

Ya kuwi wiwitane sing marahi urip amburadul

Duwit sedhiyan belonjo…sekolah…kabeh entek madhul-madhul

Yen wis gusis tindak dudu, ontran ontran bakal njedul

Yo kuwi bathine wong mlicur sing seneng ngekep dhengkul

Senenge ubyang ubyung karo wong mbregudul

Playune mung dha neng omben-omben sing saka gendul

Rumangsa gagah yen teler ngani lali lor kulon wetan lan kidul

Ngerti-ngerti wes dirangket pulisi sirahe dha di gundhul

Oh ya syukur…nek wis ngene iki, karo sopo kowe wadul?