Puisi berbahasa bali tentang Bhakti Ring Catur Guru

Subakti Ring Guru

“Om Swastyastu”

Inggih ida dane sareng sami sane wangiang titiang, para pamilet lomba pidarta basa bali, para guru miwah astiti sane wangiang titiang. Sadurung titiang ngawitin pidarta puniki, ngiring ngastawa ring Ida Sang Parama Kawi, santukan Ida ledang mapaica kerahajengan, mawinan titiang miwah ida dane prasida kacunduk masadu ajeng sekadi mangkin. Sane mangkin titiang jagi ngaturang pidarta sane mamurda“Subakti Ring Guru”.

Sadurung ngeranjing ring wewidangan bebaosan punika, jagi aturang titiang indik pamiiteges catur guru. Catur guru wenten akehnyane patpat guru. Sapatutne iraga uning sapasira kemanten sane kabaos pinaka guru. Kaping siki sang maraga guru rupaka. Wantah I Meme lan I Bapa utawi I Biang lan I Aji sane ngembasang tur miara iraga sareng sami. Iraga patut ngelaksanayang piteket-piteket danene samaliha nenten dados tungkas, tulak ring rerama.

Kaping kalih sang maraga guru pengajian wantah guru ring sekolahan sane ngicen para sisiane keweruhan mangda para sisiane dados anak dueg. Sane tan uning dados uning. Iraga patut bakti tan dados tulak ring guru pengajian.

Kaping tiga sang maraga guru wisesa sane kabaos pemerintah. Pemerintah sekadi mangkin sane ngaryanang awig-awig ring para jana. Iraga patut ngalaksanayang awig-awig punika mangda jagate kerta raharja.

Kaping pat sang maraga guru swadyaya wantah Ida Sang Hyang Widhi Wasa. Ida sane ngicen kahuripan ring jagate. Iraga patut bakti ring Ida Sang Hyang Widhi Wasa mangdane ngamolihang keselamatan miwah kerahayuan ring jagate.

Inggih ida dane sinamian sane wangiang titiang, wantah asapunika atur pidartan titiang dumogi wenten pikenohnyane. Titiang nunas sinampura mantuk ring saluir kaiwangan atur titiang sane tan manut ring arsa. Pinaka panguntat puputang titiang antuk parama santi.

“Om, Santih, Santih, Santih, Om”