Sebutkeun bedana carpon jeung novel

Carpon atawa carita pondok jeung novel sarua mangrupakeun karya sastra wangun lancaran atawa prosa. Aya dua rupa prosa, nyaeta prosa modern jeung prosa buhun. Carpon jeung novel kaasupna kana prosa modern. Sedengkeun conto karya sastra anu kaasup kana prosa buhun nyaeta saperti dongeng jeung carita wayang.

Anu ngabedakeun carpon jeung novel nyaeta yen panjang carpon mah biasana ngan saukur lima nepi ka sapuluh kaca majalah, sedengkeun novel mah panjangna teh bisa mangrupakeun hiji buku. Salian ti eta, palaku anu aya dina carpon biasana ngan dua atawa tilu urang, malahan mah aya oge anu ngan saurang, sedengkeun palaku anu aya dina novel biasana leuwih loba ti batan nu aya dina carpon. Anu dicaritakeun dina carpon biasana ngan saukur ngeunaan hiji pasualan, sedeng dina novel anu dicaritakeun ngeunaan sababaraha pasualan.